Bashkimi Evropian ka publikuar një raport mbi të drejtat e njeriut dhe demokracinë në botë. Pjesë e këtij raporti është edhe Kosova.
Unioni Evropian së fundmi ka dalur me një raport vjetor mbi të drejtat e njeriut dhe demokracinë në botë.
Në mesin e shumë shteteve, edhe Kosova është pjesë e këtij publikimi.
Blloku Evropian konsideron se dialogu mes dy shteteve ballkanike, Kosovës dhe Serbisë, është e brishtë.
“Ka pasur kriza të përsëritura në marrëdhëniet ndërmjet Kosovës dhe Serbisë në vitin 2022 dhe situata në terren mbetet e brishtë. Megjithatë, në vitin 2022, palët miratuan një Udhërrëfyes për Zbatimin e Marrëveshjeve të Energjisë, ranë dakord për udhëtimin vetëm me karta identiteti dhe arritën një marrëveshje që të përmbahen nga veprimet e mëtejshme për targat për të lejuar që dialogu të fokusohet në propozimin e fundit të BE-së për normalizimin e marrëdhënieve”, thuhet në raport.
Në këtë raport, BE përshkruan edhe situatën në komunat e veriut të Kosovës, për të cilën thotë se gjendja atje mbetet sfiduese. Veçanarisht në disa fusha.