Ruben Neves këmbëngul se ai nuk nënshkroi për Al Hilal vetëm për para.
26-vjeçari mbështet deklaratën e Cristiano Ronaldos, i cili beson se Liga Pro Saudite do të bëhet një nga më të mirat në botë së shpejti pas transferimeve luksoze nga ligat kryesore evropiane.
“Ne nuk erdhëm vetëm për para. Ne erdhëm në një ligë të fortë që synon të jetë ndër ligat më të mira në botë”, ka thënë Neves në uebfaqen e Al Hilal.
Liga saudite mund të bëhet e rëndësishme në të ardhmen, por tani për tani, ata janë vetëm një fuqi lokale në Azi.
Por, Neves mund të vërtetohet se ka të drejtë në të ardhmen, nëse klubet arabe vazhdojnë t’i transferojnë disa prej yjeve të Evropës.
Ish-sulmuesi i Al Hilal, Odion Ighalo beson se të gjithë shkojnë në Arabinë Saudite vetëm për pagën. /Telegrafi/